Siyam na ang nasawi sa pananalasa ng hurricane Florence sa southeastern United States.
Kabilang sa nasawi ang isang nanay at anak nitong sanggol matapos mabagsakan ng puno ang kanilang bahay sa Wilmington, North Carolina na kabilang sa pinakamatinding hinagupit ng bagyo.
Nakaranas ng pagbaha bunsod ng malakas na pag-ulan at pag-apaw ng mga ilog at estero sa naturang lugar.
libu-libong residente naman ang nagsilikas maging sa karatig South Carolina state.
Samantala, nagpapatuloy ang rescue at relief operations ng mga awtoridad sa mga apektadong lugar.
