Mas makakaginhawa ang mga commuter sa Quezon City dahil opisyal nang binuksan sa publiko ang bagong SM North EDSA Busway Concourse ngayong Huwebes (Marso 13).
Mahalagang interchange station sa Quezon City ang bagong busway concourse na konektado sa SM North EDSA, kung saan may bus at jeepney terminals pati na iba’t ibang tindahan at pasyalan. Pasok din ang bagong busway sa layunin ng Department of Transportation (DOTr) na bigyan ang mga Pilipino ng Comfortable, Accessible, Safe, Sustainable, and Affordable (CASSA) na transportation system.
Para sa ligtas at maginhawang paglalakbay ng mga commuter, may sapat na ilaw at glass cover ang walkways ng bagong concourse. Meron din itong elevators at ramps na malaking tulong para sa mga commuter lalo na sa senior citizens, buntis, at persons with disabilities (PWDs).
Sa isang press conference na ginanap noong Pebrero 2025, tinawag ni Transportation Secretary Vince Dizon ang SM North EDSA at SM Megamall concourses na “model stations” para sa plano ng ahensya na magtayo ng dedicated bridgeways para sa buong EDSA carousel system.
Flagship initiative ng Department of Transportation (DOTr) ang EDSA Busway Project. Layunin nitong pagandahin ang mass transportation system ng bansa lalo na sa EDSA.
Upang mapabilis ang pagkakaroon ng maayos at mabisang concourses, nagkaisa ang DOTr at mga pribadong kumpanya tulad ng SM Prime Holdings, Inc. (SMPHI). Ang SM Prime ang nanguna sa pagdisenyo, pagtayo, at pamamahala ng busway concourse na matatagpuan sa harap ng mga mall nito sa kahabaan ng EDSA.
Para sa ibang impormasyon, bisitahin ang www.smsupermalls.com at i- follow ang official social media accounts ng SM Supermalls.
