Sumulat si Senate President Francis “chiz” Escudero sa mga kasamahan na senador, gayundin kina House Speaker Martin Romualdez at Vice President Sara Duterte.
Nakapaloob sa liham, ang kanyang posisyon at mga hakbanging may kaugnayan sa impeachment case laban kay VP Sara.
Binigyan din sila ni SP Escudero ng kopya ng inilabas na special order para sa pag-organisa ng administrative support para sa Senado na magsisilbing impeachment court at maglilitis sa Bise Presidente.
Nakapaloob din sa nasabing sulat ang panukalang calendar para sa impeachment trial.
Ayon sa Lider ng Senado, ginawa niya ito sa ngalan ng pagiging transparent at upang maipaalam sa mga kinauukulan ang kanyang paninindigan at mga hakbangin sa impeachment case laban sa pangalawang pangulo. -