Nakakuha na si House Speaker Pantaleon Alvarez ng isang daang (100) mga lagda para sa impeachment ni Vice President Leni Robredo.
Mula sa source ng pahayagang Philippine Star, sapat na umano ang naturang bilang para maitaas ang reklamo ng impeachment sa Senado na magsisilbi namang impeachment court.
Sinabi pa ng source na ang pagsuporta ng mga kaalyado ng Pangulong Rodrigo Duterte sa impeachment ni Robredo ay tila karma naman sa Liberal Party (LP).
Aniya, dahil noong 2011 ay agad na sinuportahan ng mga LP congressmen ang impeachment kay noo’y Chief Justice Renato Corona nang hindi man lamang nababasa ang reklamo dito.
By Rianne Briones
