Isang special investigation task group ang binuo para tutukan ang nangyaring pagpaslang sa isang journalist sa Villasis, Pangasinan.
Kasunod na rin ito ng pagkondena ni Police Regional One Chief Police Brigadier General Rodolfo Azurin, Jr. sa pagpatay kay Virgilio Maganes.
Ayon kay Azurin may hawak ng lead at natukoy na ng SITG Maganes ang persons of interest sa pamamagitan ng CCTV footage malapit sa crime scene.
Umapela si Azurin sa publiko na tulungan sila sa pamamagitan ng pagbibigay ng mga impormasyon na maaaring maging daan para maaresto ang mga suspek.
Si Maganes ay papasok na sa kanyang bahay sa Barangay San Blass nang dalawang hindi natukoy na suspek sakay ng motorsiklo ay nagpakawala ng anim na putok na ang isa ay tumama sa ulo ng journalist dahilan ng agarang pagkamatay nito.
