Bumuo na ang US Central Intelligence Agency ng special unit na tututok sa bantang nuclear war ng North Korea.
Ito’y sa gitna ng ikinakasang ika-6 na nuclear test ng Nokor na maaaring maging mitsa ng military strike ng Amerika sa East Asia.
Ayon kay CIA Spokesman Jonathan Liu, pinagsama-sama na nila ang kanilang assets at kakayahan sa Korea Mission Center upang mangalap ng mga impormasyon hinggil sa long-range ballistic missile technology ng North Korea.
Sa paraan anyang ito ay mapaghahandaan ang missile test at mapipigilan ang posibleng pagtama nito sa Amerika maging sa karatig bansa sa Asya.
By Drew Nacino
