Aminado si Golden State Warriors Point Guard Stephen Curry na kailangan nitong ibuhos ang lahat ng kanyang galing sa susunod na pagtutuos ng Warriors at Cleveland Cavaliers.
Sinabi ni Curry na ang pinakamahusay nitong laro para sa taong ito, o kahit pa ng kanyang karera, ang gagawin niya sa Game 7 ng NBA finals bukas.
Hindi lamang, aniya, ang makapuntos ng 50 kundi ang makontrol ang tempo ng laro ang makakapagpanalo sa Warriors.
Samantala, kung sakali namang Cavaliers ang manaig sa Game 7, ang nasabing koponan na ang may pinakamagandang comeback sa kasaysayan ng NBA.
Magugunitang naitabla pa ng Cavaliers ang standing nito kontra Warriors mula sa 3-1.
By: Avee Devierte
