Sinamahan ni Hollywood action star Steven Seagal si Pangulong Rodrigo Duterte sa pagbisita nito sa Camp General Teodulfo Bautista sa Barangay Bus-Bus, Jolo, Sulu.
Ayon sa Pangulo, si Seagal ang nag – presinta na sumama sa kanya.
Inimbitahan naman ng Pangulo ang kanyang “good friend” na si Seagal na magbigay ng maikling mensahe para sa mga militar.
Sa isang talumpati ni Seagal, pinasalamatan at sinaluduhan nito ang mga militar dahil sa pag – pursige nitong iligtas ang bansa laban sa mga terorista at iba pang krimen.
Kasama din ni Pangulong Duterte at Seagal sina Defense Secretary Delfin Lorenzana, Armed Forces of the Philippines (AFP) Chief of Staff Rey Leonardo Guerrero, at iba pang military officials.
Matatandaang una nang nagkita sina Pangulong Duterte at Seagal sa isang courtesy call sa Malakanyang noong Oktubre.
