Naharang sa Milan, Italy nitong Linggo ang isang envelop na naka-addresed sa Santo Papa na may lamang bala ng baril.
Ayon sa ulat, ang piraso ng sulat na walang return card na may lamang tatlong bala ng baril ay may french stamp na naka-address sa St. Peter’s Square sa Rome.
Ang bala na nakuha mula sa sulat ay mula sa isang Flobert Gun at may mensahe ito patungkol sa financial operations sa Vatican City.
Inalerto naman ng manager ng Italian post office sa bayan ng Peschiera Borromeo na may pitong milya ang layo mula sa Milan ang awtoridad ng makita nila ang kahina-hinalang liham habang nag-aayos.
Iniimbestigahan na ang pinagmulan ng nasabing sulat.—sa panulat ni Rex Espiritu
