Inihatid na sa huling hantungan si Sulu at North Borneo Sultan Esmail Kiram II matapos masawi dahil sa kidney failure.
Agad ibiniyahe patungong Jolo ang labi ang 77 taong gulang na sultan mula nang masawi ito upang ilibing alinsunod sa paniniwalang Islam.
Inalalayan ng naval forces ng Western Mindanao command ang royal family ng Sulu upang maibiyahe ang labi ng yumaong sultan.
Ipinabatid naman sa DWIZ ni Princess Jacel Kiram na papalit sa trono bilang sultan si Phug Dal Kiram.
“Malinaw naman po na ang susunod po talaga ay yung kapatid niyang sumunod sa kanya, ang ruling po o ang criteria is it has to be the eldest male in the family so hindi po ito tatay sa anak, kundi kapatid na lalaki na susunod doon sa namatay, Datu Phug Dal Kiram siya po ang mag-aassume ng pagiging sultan in the next coming days.” Pahayag ni Princess Jacel Kiram.
By Jaymark Dagala | Kasangga Mo Ang Langit
