Sugatan ang isang sundalo matapos na magka-engkwentro ang tropa ng militar at hinihinalang miyembro ng New People’s Army o NPA sa Sitio Nagas-asan sa Sallapadan, Abra.
Batay sa ulat ng Northern Luzon Command, habang nagpapatrolya ang mga sundalo ay nakasalubong nila at nakasagupa ang hindi pa matukoy na bilang ng mga terorista.
Nabatid na nagmula ang mga miyembro ng NPA sa Agustin Begnalin Command; Kilusang Larangang Gerilya at North Abra of the Ilocos – Cordillera Regional Party Committee na pinamumunuan ni Abdon Siddayao alyas Chico.
Sa ngayon nagpapatuloy ang mga operasyon ng militar sa buong Northern Luzon partikular na sa mga lugar na may presensya ng mga NPA.
