Inihayag ngayong umaga ng Bureau of Fire Protection o BFP na contained na sa ika-anim na palapag ang sunog sa Metro Ayala Center Mall sa Cebu City.
Nangangahulugan ito na hindi na makapipinsala pa ng ibang ari-arian ang apoy na tumupok sa gusali.
Ayon kay BFP region 7 director Samuel Tadeo, inaasahan nilang mamayang hapon tuluyan nang maaapula ang sunog na nagsimula sa ikatlong palapag ng mall.
Ibinaba narin ng Cebu City disaster officials ang haze alert sa palibot ng nasunog na mall dahil sa patuloy nang humihina ang usok na lumalabas mula dito.
