Iniakyat na sa ikatlong alarma ang sunog sa isang commercial building sa Recto Avenue kanto ng Nicanor Reyes Street sa Sampaloc, Maynila.
Ayon kay Manila Bureau of Fire Protection Head Senior Inspector Reden Alumno, sumiklab ang sunog dakong alas-9:20 kagabi sa bahagi ng RCG printing press and general engraving services sa ikatlong palapag ng gusali.
Pansamantala na ring isinara ang southbound lane ng Recto patungong Divisoria dahil na-okupa na ng mga rumerespondeng fire truck ang nabanggit na kalsada.
Sa ngayon patuloy pa ring inaapula ng mga bumbero ang sunog sa nabanggit na gusali.
—-
