Nasunog ang bahagi ng Philippine Drug Enforcement Agency o PDEA Annex Building sa Quezon City.
Ayon sa Bureau of Fire Protection (BFP), nagsimula ang sunog kaninang pasado alas-8:00 ng umaga sa ikalawang palapag na naglagay ng panganib sa mga ebidensya na nakalagak naman sa unang palapag ng gusali.
Ngunit paglilinaw ng BFP, wala namang nadamay na mga ebidensya at wala ring nasaktan sa insidente.
Idineklarang fire under control bago mag alas-9:00 kaninang umaga.
Inaalam na ng mga otoridad ano ang pinagmulan ng naturang sunog.
By Rianne Briones
