Nilamon ng apoy ang ilang kabahayan sa Sampaloc, Maynila mag-aala sais kaninang umaga.
Ayon sa ulat ng Bureau of Fire Protection (BFP), nagmula ang apoy sa dalawang palapag na bahay sa bahagi ng M.F. Jocson sa Barangay 408.
Umabot sa ikalawang alarma ang sunog subalit agad din itong naapula makalipas ang isang oras.
Patuloy pang inaalam ng mga pamatay sunog ang naging sanhi ng apoy at kung magkano ang napinsalang mga ari-arian sa naturang insidente.
