Unti-unti na umanong nawawala ang suporta ng ilang mga kasapi ng Iglesia ni Cristo sa Sanggunian nito.
Ito ang sinabi ni dating Iglesia ni Cristo Minister Isaias Samson Junior na nagsabi ring ang tanging ipinakita lamang ng nakalipas na mga kilos protesta ng grupo ay ang paghina ng impluwensya ng Sanggunian sa mga kasapi nito, partikular na ang mga nasa Metro Manila.
Dagdag ni Samson, kinailangan pang magtawag ng Sanggunian ng Iglesia ni Cristo sa mga kasapi nito sa mga probinsya upang maparami ang dadalo sa mga rally kung saan isang porsyento lamang ng tinatayang dalawang milyong bilang ng mga miyembro ang pumunta.
By: Avee Devierte
