Lumalawak na ang suporta ng mga netizen sa Presidential bid ni Senador Miriam Santiago.
Magugunitang maka-ilang beses inihayag ni Santiago na posible siyang sumabak sa Pampanguluhang Halalan sa 2016 makaraang mabigyang lunas ang kanyang lung cancer.
Naniniwala ang netizen lalo ang mga follower ni Santiago sa Facebook at Twitter na dininig ng Diyos ang kanilang panalangin dahil na-control na ang cancer ng senadora na isang hudyat na may panibagong pag-asa para sa bayan.
Pinalutang din ng mga netizen sina Senador Grace Poe, Davao City Mayor Rodrigo Duterte at Camarines Sur Rep. Leni Robredo na maaaring maka-tandem ng beteranong mambabatas sa posibleng pagsabak muli sa Presidential race.
Tinatayang tatlong milyon ang followers ni Santiago sa Facebook habang 1.6 na milyon sa Twitter dahilan upang ituring siyang queen of social media sa hanay ng mga government official.
By Drew Nacino
