Pormal nang umupo bilang hepe ng CIDG Region 12 ang kontrobersyal na PNP Official na si Superintendent Marvin Macos ngayong araw.
Sinimulan ni Marcos ang kanyang unang araw sa trabaho sa pag-courtesy call sa tanggapan ni PNP Region 12 Director Chief Superintendent Cedrick Train sa General Santos City kaninang umaga.
Ayon kay Train binilinan niya si Marcos na magtrabaho ng maayos.
Una nang sinabi ni PNP CIDG Chief Director Roeel Obusan na hindi muna hahawak si Marcos ng operasyon na may kinalaman sa iligal na droga at tututok lamang sa bandidong grupong BIFF o Bangsamoro Islamic Freedom Fighter.
Si Marcos ay naging kontrobersyal matapos na ipag-utos ni Pangulong Rodrigo Duterte ang pagbabalik nito sa tungkulin kahit nahaharap sa kasong pagpatay kay dating Albuera Mayor Rolando Espinosa.
- Krista De Dios | Story from Jonathan Andal
