Nagsagawa ng surprise drug test sa mga tauhan ng Manila Police District (MPD) Station-6 sa UN Avenue sa Ermita, Maynila.
Kasunod ito ng isinagawang Accounting of Personnel kung saan, 120 pulis at Non-uniformed personnel ang isinailaim sa drug test.
Ang nasabing aktibidad ay bahagi ng Intensified Cleanliness Policy na ipinatutupad ni MPD Director P/BRIG. Gen. Leo Francisco upang masiguro na walang gumagamit na iligal na droga sa buong hanay ng MPD.
Ang mga pulis na nagpositibo sa iligal na droga ay isasalang sa imbestigasyon at kakasuhan kasabay ng pagtanggal sa kanilang serbisyo. —sa panulat ni Angelica Doctolero
