Umalma ang kampo ni Vice President Jejomar Binay sa resulta ng survey ng Makati Business Club na worst performing government agency ang Office of the Vice President (OVP).
Ayon kay Joey Salgado, head ng Media Affairs ni Binay, maliban sa matagal nang hindi patas ang MBC kay Binay, hindi din nito kayang i-reflect ang saloobin ng bayan.
Iginiit ni Salgado na ang siniserbisyuhan ng Office of the Vice President ay ang mga mamamayan at hindi ang mga elitistang miyembro ng MBC.
Kapansin-pansin din aniya ang pagdalo ng mga miyembro ng MBC nang iendorso si Mar Roxas, patunay na nakikinabang ang grupo sa administrasyon.
By Katrina valle | Allan Francisco
