Posibleng maharap sa patong-patong na kaso ang suspek na nanghataw ng baseball bat sa isang lolo sa Las Piñas City.
Ayon kay Colonel Jimmy Santos, acting chief ng Las Piñas City Police, ibang address ang ibinigay ng suspek na si Jerson Dave Gonzales sa blotter case.
Nang pinuntahan kasi ng mga otoridad ang lugar, hindi naman kilala ng mga nakatira ang lalaki.
Matatandaang tatlong hampas ang natanggap ng biktimang si Julian Adlao Jr. sa suspek dahil sa away-trapiko pero hindi naman nagtamo ng matinding sugat dahil naka-helmet si Adlao.
Desidido naman ang biktima na magsampa ng kaso laban kay Gonzales.
