Wala nang nakikitang dahilan si PNP o Philippine National Police Chief Director General Ronald Dela Rosa para muling isalang sa drug test ang suspek sa Bulacan Massacre na si Carmelino Ibañez matapos itong mag-negatibo sa nasabing test.
Ayon kay Dela Rosa, una nang umamin ang suspek na gumamit siya ng bawal na gamot bago ginawa ang krimen laban sa mag-iina sa San Jose Del Monte City, Bulacan.
Aniya, hindi mahalaga ang resulta ng drug test ng suspek na si Ibañez dahil murder naman ang kaso nito at hindi droga.
Una na ring ipinaliwanag ni Dela Rosa na maaaring mawala ang bakas ng droga sa katawan ng tao sa loob ng apatnaput walong (48) oras sa katawan ng tao lalo na kung mabilis ang metabolismo nito.
By Krista De Dios | With Report from Jonathan Andal
