Naaresto na ang suspek sa pagpatay kay Judge Ricky Begino ng Municipal Circuit Trial Court sa San Jose-Lagonoy, Camarines Sur.
Kinilala ang suspek na si Wilfredo Armea, 72 taong gulang.
Ayon kay Police Senior Supt. Jerry Bearis, provincial director ng Camarines Sur, nakipagtulungan mismo ang mga kaanak ni Armea kung kaya’t nadakip ito.
Away sa lupa umano ang sinasabing motibo sa krimen.
Samantala, binawian na rin ng buhay si Begino habang ito ay ginagamot matapos magtamo ng tama ng bala sa kaniyang leeg.
Batay sa inisyal na imbestigasyon, pinaputukan ng suspek ang biktima habang nakatayo ito malapit sa entrance ng MCTC.
Kasong murder ang kakaharapin ng naturang suspek.
