Inaresto at ipinagharap na sa kasong murder ang isang sundalo na hinihinalang nasa likod ng pagpatay sa isang abogado sa Narra,Palawan noong nakaraang linggo.
Ayon kay Palawan Police Director Col. Nicolas Torre III, nadakip ang suspek na si Jazer Del Rosario sa kanyang pinagtataguan sa Barangay Alfonso 13 noong linggo.
Aniya, isa si Del Rosario sa magkaangkas na suspek na bumaril kay Atty. Eric Jay Magcamit batay na rin sa kuha ng CCTV footage sa lugar ng krimen.
Sinasabing miyembro rin ng gun for hire si Del Rosario.
Tinututukan naman ang awayan sa lupa bilang motibo sa pagpatay sa abogado.
Samantala, may person of interest na ang pulisya sa pagpatay naman kay Atty. Joey Luis Wee sa Cebu City.
Sinabi ni PNP Chief General Debold Sinas, tinitignan naman ang trabaho ni Wee sa motibo sa pagpatay.
