Patay ang isang suspek na namaril at pumaslang sa isang pulis sa isinagawang follow-up operation sa Cebu City.
Kinilala ang suspek na si Reynaldo Ydil, na bumaril sa biktimang si Staff Sergeant Careby Alinsog, miyembro ng Consolacion Police Station-Drug Enforcement Unit.
Nagsasagawa ng follow-up investigation sina Alinsog kasama ang iba pang miyembro ng Drug Enforcement Unit sa barangay Casili nang makabarilan ang suspek.
Kahapon natunton ng mga pulis si Ydil sa loob ng isang inuupahang bahay sa barangay Lahug, Cebu City pero nanlaban umano ito kaya binaril ng awtoridad.
Narekober naman mula kay Ydil ang iba pang baril sa loob ng kwarto habang naaresto ang dalawa nitong kasama na kumupkop sa kanya nang tumakas matapos mabaril si Alinsog.
Inaalam na kung totoong sangkot sa ilegal na droga ang suspek at mga naaresto.
