Patuloy na iniimbestigahan ng Canadian police ang nangyaring insidente ng pamamaril sa New Brunswick sa bansang Canada.
Kaugnay niyan, sinampahan na ng kasong first degree – murder ng canadian police ang suspek na kinilalang si Matthew Vincent Raymund.
Magugunitang apat ang nasawi kabilang na ang dalawang pulis at dalawang sibilyan nang bigla na lamang umanong mamaril ang suspek sa bahagi ng Fredericton kahapon, oras sa Canada.
Batay sa testimoniya ng pinsan ng isa sa mga biktima, magkasintahan ang dalawang sibilyan na kinilalang sina Donnie Robichaud at Boobie Lee Wright.
Nakatakda namang iharap sa korte si Raymund sa darating na Agosto 27, oras sa Canada.
