Naaresto na ang suspek sa panghohostage sa pamilya ni Dauin, Negros Oriental Mayor Galicano Truita.
Inihayag ng Negros Oriental Provincial Police Office (NORPPO) na hinostage ni Venirndo Dalope, 53- anyos, ang asawa, anak, at ilang kasambahay ni Truita bandang alas-9 ng umaga noong Sabado.
Armado naman ang suspek ng kalibre kwarenta’y singko na pistol at m16 rifle.
Nabatid na matagal nang nagtatrabaho ang suspek para sa mga Truita bilang security escort, ngunit hindi pa natutukoy ang motibo sa likod ng panghohostage nito.
Bukod sa hindi lisensyadong firearm, narekober din ang colt. m16 rifle na may 30 ammunition mula sa suspek.
Nasa ilalim na ngayon ng kustodiya ng Dauin Police Station si Dalope habang inihahanda na ang mga kasong ipapataw kay Dalope.
Samantala, nagbigay naman ng seguridad ang Negros Oriental Police sa pamilya ni Truita. —sa panulat ni Hannah Oledan
