Kalaboso ang inabot ng suspek sa pagdukot sa isang bagong silang na sanggol sa Gingoog City, Misamis Oriental.
Kinilala ng police regional office 10 ang suspek na si Richard ‘Junjun’ Benades, 20 anyos sa mismong bahay nito sa Brgy. 19 sa nasabing lungsod.
Ayon sa pulisya, nakatanggap sila ng tip mula sa isang concerned citizen na nagturo sa kinaroroonan ng suspek dahilan upang agad magkasa ng operasyon ang mga pulis.
Doon nasagip ang kapapanganak pa lamang na sanggol dahil sa walang tigil na pag-iyak nito matapos na iwan sa isang abandonadong bahay malapit sa kulungan ng baboy.
Lunes, nang mapaulat ang pagdukot ni Bernades sa sanggol na anak ng isang Marichu Tolorio na nakita pa sa CCTV kaya’t madaling naresolba ang kaso.
Kaugnay nito, ikinakasa na ng pulisya ang kasong abduction na isasampa laban sa suspek.
With report from Jaymark Dagala
