Hindi na mamomroblema pa ang mga mananakay ng LRT-1 na humanap ng alternatibong masasakyan sa weekend.
Ito’y matapos na pagpasyahan ng pamunuan ng LRT-1 na hindi na nito sususpindihin ang kanilang operasyon sa April 24 at 25.
Sa isang abiso, sinabi ng LRMC, na ito’y dahil karamihan sa kanilang mga inilatag na maintenance works ay nakumpleto na bago pa ang itinakdang skedyul nito.
Nauna rito, inanunsyo ng LRMC na kanilang sususpindihin ang operasyon ng rail line para bigyang daan ang pagkumpleto sa nasimulang maintenance sa mga sa mga train sets, at stations maging sa kanilang mga sistema.
