Inaabisuhan ang mga motorista na magpa-full tank na ng mga sasakyan dahil nag-anunsyo na ng kanilang taas presyo sa mga produktong petrolyo ang mga kumpaniya ng langis.
Singkuwenta’y singko sentimos ang umento sa gasolina, nobenta sentimos sa diesel habang nobenta’y singko sentimos naman sa kerosene.
Alas dose uno ng madaling araw magpapatupad ng umento ang mga kumpaniyang Caltex habang ala sais ng umaga ang mga kumpaniyang Petro Gazz, Shell at Seaoil.
Alas kuwatro uno ng hapon magpapatupad ng kanilang umento ang kumpaniyang cleanfuel.
Asahan na ring mag-aanunsyo ang iba pang kumpaniya ng langis hinggil sa ipatutupad nilang umento sa presyo na nasa ika-lima nang sunod na Linggo.
