Tumaas ang presyo ng bigas ngayong buwan.
Batay sa survey ng Philippine Statistics Authority, umakyat ang average retail price ng kada kilo ng well-milled na bigas sa ₱48.84 sa pagitan ng Disyembre 1 hanggang 5.
Mas mataas ito kumpara sa ₱46.61 kada kilo sa unang bahagi ng Nobyembre, at ₱47.42 kada kilo sa huling araw ng nakaraang buwan.
Nagmahal din ang presyo ng kada kilo ng karne ng baboy sa ₱290.91 sa pagpasok ng Disyembre, kumpara sa ₱287.62 at ₱288.72 noong una at ikalawang bahagi ng Nobyembre. - sa panulat ni Charles Laureta
