Inanunsyo ng Department of Trade and Industry (DTI) ang nakaambang pagtataas ng presyo ng ilang brand ng bilihin.
Ayon kay Usec. Ruth Castelo ng DTI, posibleng tumaas ng hanggang P1 ang presyo ng ilang brand ng sardinas, gatas, kape at instant noodles.
Bago mag Setyembre 25 nakatakdang maglabas ang DTI ng bagong Suggested Retail Price (SRP).
Nilinaw naman ni Castelo na hindi pangingikil sa manufacturers ang pagpataw ng SRP.
Ani castelo, kasama na ang profit margin sa isinusumite nilang presyo kaya’t layon lang ng SRP na i-validate kung akma ang presyo sa kanilang sinubmit.
