Magpapatupad ng panibagong taas presyo sa mga produktong petrolyo ang ilang mga kumpanya ng langis simula bukas, Martes.
Batay sa abiso ng Pilipinas Shell, 20 sentimos kada litro ang dagdag sa presyo ng gasolina, 5 sentimo kada litro sa diesel habang 45 sentimos kada litro sa kerosene.
Magpapatupad din ng katulad na taas presyo ang Petro Gazz maliban sa kerosene.
Epektibo ang oil price hike alas sais ng umaga bukas, Setyembre 29.
Samantala, nag-anunsyo naman ng Cleanfuel na walang magiging paggalaw sa presyo ng kanilang mga produktong petrolyo ngayong linggo.
