Muling magpapatupad ng dagdag presyo sa mga produktong petrolyo sa ikalawang linggo ang mga kumpanya ng langis.
Epektibo bukas, Martes ipinabatid ng Pilipinas Shell Petroleum corporation at Seaoil Philippines ang dagdag na 45 sentimos sa presyo ng kada litro ng gasolina 35 sentimos sa diesel at 65 sentimo sa kerosene.
Ang nasabing halaga rin ang idadagdag sa presyo ng Clean Fuel at Petrogazz maliban sa kerosene na hindi kabilang sa kanilang mga produkto.
Ang panibagong oil price hike ay ipatutupad alas sais ng umaga bukas maliban lamang sa Cleanfuel na mag-a-adjust ng presyo bukas ng alas 4:01 ng hapon.
