Magtataas ng singil sa kuryente ang Meralco ngayong buwan.
Ito ang kinumpirma ng tagapagsalita ng Meralco na si Joe Zaldariagga, aniya, nasa 27 sentimo kada kilowatt hour ang itataas sa kanilang January bill.
Ito’y bunsod aniya ng pagmahal ng generation charge.
Dahil dito, madaragdagan ng P55 ang bill ng mga kumokonsumo ng 200 kilowatt per hour, P82 naman para sa 300 kilowatt per hour, P110 para sa 400 kilowatt per hour.
At P137 naman para sa mga customer ng Meralco na kumokonsumo ng 500 kilowatt per hour.
