Asahan na ang mas mataas na singil sa kuryente ng Manila Electric Company o MERALCO ngayong buwan ng Marso.
Ayon sa MERALCO, aabot sa siyamnapu’t pitong sentimos (P0.97) kada kilowatt hour ang dapat na dagdag sa kanilang singil.
Gayunman, nasa walumpo’t limang sentimos (P0.85) kada kilowatt hour lamang ang kanilang ipapataw ngayong Marso at sa buwan ng Abril na lamang ang natitirang dose sentimos (P0.12) kada kilowatt hour.
Ito ay ayon sa MERALCO ay upang hindi mabigla ang mga consumers sa magiging taas singil.
Sinabi naman ng MERALCO na ang dagdag singil ay bunsod ng pagtaas sa generation charge at mataas na demand sa kuyente dahil sa mainit na panahon.
—-
