Matatanggap na ng mga pulis sa Lunes, Enero 15, ang pangako na dobleng sahod sa kanila ni Pangulong Rodrigo Duterte.
Ayon kay Chief Superintendent Joselito Vera Cruz, Executive Officer ng PNP Directorate for Comptrolership, sa ilalim ng bagong monthly base pay, ang isang police officer 1 o PO1 ay makakatanggap na ng 29,668 pesos mula sa dating 14, 834 pesos.
Dagdag pa ni Vera Cruz , tataas din ang sweldo ng mga PO2 hanggang sa pinakamataas na ranggo na police director general ng 59 percent.
Otomatiko rin na tataas ang iba pang allowances tulad ng longevity pay, flying pay, sea duty pay, instructor’s duty pay at iba pa.
Tinatayang nasa 76,000 mga pulis ang makatatanggap ng 100 porsyento na pagtaas sa kanilang sweldo.
