Posibleng ideklara na ng PAGASA ang tag-init sa mga susunod na araw.
Gayunman, nilinaw ng PAGASA na maiksi lamang ang tag-init dahil sa mahinang La Niña phenomenon na patuloy na naka-aapekto sa bansa.
Dahil dito, binalaan ng weather bureau ang publiko sa patuloy na pagtaas ng temperatura lalo sa dakong tanghali o simula alas 10:00 ng umaga hanggang alas 3:00 ng hapon.
Kabilang sa mga inaasahang makararanas ng matinding init ng panahon ang ilang lugar sa Central at Northern Luzon at sa Mindanao.
