Nilinaw ni dating Department of Social Welfare and Development o DSWD Secretary Judy Taguiwalo na wala siyang sama ng loob kay Pangulong Rodrigo duterte matapos ang hindi niya pagkakakumpirma sa posisyon.
Ngunit ayon sa kalihim ay ikinalungkot niya ang hindi pagtawag sa kanya ng Pangulo matapos ang kanyang rejection sa Commission on Appointments o CA.
Gayunpaman sinabi ni Taguiwalo na nagpadala na siya ng liham sa Pangulo at doon inilabas ang saloobin.
Giit pa ng dating kalihim na ginawa naman niya lahat ng utos ng Pangulo na pagsilbihan ang taongbayan kaya tiwala siyang papasa sa kumpirmasyon dahil sa competence, integrity at commitment.
By Arianne Palma
