Bahagyang bumagal ang takbo ng ekonomiya ng bansa nitong 2017 kung ikukumpara noong 2016.
Batay sa datos ng National Economic Development Authority o NEDA, lumago ng 6.7 percent ang Gross Domestic Product o GDP ng bansa sa kabuuan ng 2017, bahagyang mababa sa 6.9 percent noong 2016.
Bumagal din ang ekonomiya sa huling tatlong buwan ng 2017 na umabot lamang sa 6.6 percent kumpara sa 7 percent noong third quarter ng 2017.
Gayunman, ayon kay Socio-economic Planning Secretary Ernesto Pernia, nananatiling solid ang ekonomiya ng bansa at ang bahagyang pagbagal nito ay inaasahan na pagkatapos ng election year noong 2016.
“We are glad to report that the performance of the Philippine economy remains on target, hitting a solid 6.6 percent economic growth in the last quarter of 2017. This stable performance brings our 2017 full-year growth in 2017 to 6.7 percent—a strong finish that sustains our position as one of the fastest-growing economies in Asia after China’s 6.9 and Vietnam’s 6.8 percent growths.”
—-
