Kritikal ang kondisyon ng talent manager na si Tita Angge matapos atakihin sa puso kagabi
Sa panayam sa aktres na si Sylvia Sanchez na syang malapit na kaibigan ni Tita Angge, Cornelia Lee sa totoong buhay, isinugod ito sa Cardinal Santos Medical Center sa San Juan kung saan siya idineklarang dead on arrival.
Ngunit nai-revive umano ang talent manager makaraan ang 15 minuto.
Ayon pa kay Sylvia, nanood ng sine sa greenhills si tita angge kasama ang secretary at pamangkin nito bago atakihin sa puso.
Hinimok ng aktres ang publiko na ipagdasal ang kalagayan ng sisenta’y nuebe anyos na talent manager na comatose pa hanggang ngayon sa Intensive Care Unit.
By: Avee Devierte
