Panalo ang Talk ‘n Text Tropang Texters sa tulong ni Veteran Ranidel de Ocampo matapos gibain ang Alaska sa score na 104-103 sa PBA Governors’ Cup sa Ynares Center, Antipolo.
Bagama’t nagpasabog ng anim na puntos si Jvee Casio ng Alaska sa mga huling minuto ng laro ay hindi ito nakasapat para maipanalo ang laban.
Nakabuslo si Casio ng isang three-pointer sa huling walong segundo ng laro, subalit gumamit ng matinding depensa ang Tropang Texters para itapat dito.
Umiskor si Import Steffphon Pettigrew ng 27 points para sa Talk ‘n Text habang nag-ambag naman si Rookie Matt Ganuelas-Rosser ng 17 points.
By Jelbert Perdez
