Sarado simula bukas, Hulyo 6, ang Office of Consular Affairs ng Department of Foreign Affairs (DFA) sa Aseana, Parañaque City at Alabang Town Center.
Ito ay upang magbigay daan sa isasagawang disinfection sa dalawang tanggapan.
Kasunod nito, pinapayuhan ng DFA ang publiko na hintayin muna ang kanilang susunod na anunsyo kaugnay sa petsa ng muling pagbubukas ng mga nabanggit nilang opisina.
Tiniyak naman ng DFA na agad aasikasuhin ang mga may nauna nang appointment at schedules sa dalawang Office of the Consular Affairs, oras na magkabalik operasyon na ang mga ito.
Habang maaari naman anilang kunin ang mga pasaporte matapos ang pagbubukas ng dalawang nabanggit na tanggapan.
