Hindi nakaubra ang nasa walong miyembro ng New People’s Army na atakihin at lusubin ang Sison Municipal Police Station sa Surigao Del Norte.
Ayon kay Caraga Regional Director, Police Brigadier General Romeo Caramat, Jr., naramdaman agad ng mga tauhan ng Sison Municipal Police Station ang presensya ng NPA kaya’t agad ipwenesto ang kanilang mga sarili sa mataas na likurang bahagi ng police station bago nag counter attack.
Nagtagal ng 15 minuto ang sagupaan bago nagsitakas ang mga NPA, wala namang nasugatan o nasawing pulis sa pagatake.
Ang walong NPA ay pinamumunuaan ni Gelan Ybanez alyas Weng at Zanjo ng Guerilla Front 16 ng North Eastern Mindanao Regional Committee of the CPP-NPA.
Samantala, pinagbabaril rin ng mga NPA ang bahay ni Sison Municipal Mayor Karissa Paronia kung saa pomosisyon ang mga NPA 200 metro mula sa bahay ng alkalde, wala nasawi o nasugatan sa pananambang.
Samantala kahapon rin, inatake rin ng mga npa ang tropa ng 901st Brigade ng Philippine Army ilang oras matapos ang pag atake sa Sison Police Station at bahay ni mayor.
Sa pagatake sugatan ang isang sundalo na kinilalang si Corporal Arnel Belga.
