Tinawag ng Palasyo na “ganid sa kapangyarihan na nais makabalik sa Malakanyang” ang mga nagtatangkang mapatalsik si Pangulong Rodrigo Duterte sa pagka-presidente.
Ginawa ng palasyo ang pahayag kasunod ng mga ulat na gagawin umano ng mga kalaban ni Pangulong Duterte ang lahat para mapaalis siya sa poder ng kapangyarihan.
Sinabi ni Presidential Spokesperson Sec. Harry Roque, mabibigo lang ang mga talunang gustong makabalik sa Malakanyang dahil wala naman aniyang suporta ang mga ito mula sa taumbayan.
Sa katunayan, hindi aniya nagbabago ang mataas na tiwala ng sambayanan kay Pangulong Duterte at sa administrasyon na makailang ulit nang napatotohanan sa mga resulta ng survey.
