10 katao ang sugatan matapos sumabog ang tangke ng tubig sa roof deck ng 12-storey commercial building sa Parañaque City.
Nasira ang ilang bahagi ng gusali, na matatagpuan sa kahabaan ng Quirino Avenue sa Barangay Tambo, dahil sa pagsabog na nangyari.
Ayon sa mga nakasaksi, nahulog ang mga debri sa kalsada at tumama sa ilang sasakyan.
Naapektuhan din ang isang linya ng kuryente.
Kabilang sa mga nasugatan ang isang 13-anyos na sakay ng e-bike nang mangyari ang pagsabog.
Ang lagaslas ng tubig ay tinangay ang e-trike at naging sanhi ng pagkahulog nito sa butas sa gilid ng kalsada.
Sugatan din ang kalapit na tindera na nagtamo ng bukol sa ulo matapos tamaan ng mga debris na nahulog.
Tiniyak ng pamunuan ng gusali na sasagutin nito ang mga gastusin sa pagpapagamot ng mga nasugatang biktima.
Inaalam pa ng mga awtoridad ang sanhi ng pagsabog at ang posibleng pananagutan ng may-ari ng gusali.
