Inihayag ng Commission on Election (COMELEC) na naabot na ng kanilang ahensya ang target na bilang ng mga registrant para sa nalalapit na Barangay at Sangguniang Kabataan (SK) election na gaganapin sa buwan ng Disyembre ngayong taon.
Sa panayam ng DWIZ, sinabi ni Comelec spokesperson Director John Rex Laudiangco, na inaasahang mas tataas o lalagpas pa sa target na bilang ang mga magkakainteres sa huling apat na araw ng pagpaparehistro.
Sinabi ni Laudiangco na hangga’t walang batas na ipinatutupad sa kanilang ahensya, posibleng hindi na ma-extend o palawigin ang pagpaparehistro para sa botohan.
