Tatlo patay habang labing lima pa ang nawawala sa naganap na landslide sa isang village sa katimugang bahagi ng Chile.
Batay sa kuhang video ng Chilean police, makikitang nabaon sa putik ang bayan ng Villa Santa Lucia na malapit sa Chaiten sa Patagonia.
Hindi naman pinangalanan pa ng mga otoridad ang dalawang babaeng Chilean at isang lalaking turista na nasawi sa insidente.
Kabilang din sa napinsala ng pagguho ng putik ay ang isang paaralan at ilang mga tahanan sa daanan ng naturang lugar.
Kasalukyang nagpapatuloy naman ang search and rescue operation sa labing lima (15) pang nawawala bunsod ng landslide.
