Patay ang tatlong miyembro ng Dawlah Islamiya sa isinagawang opensiba ng militar sa Maguindanao.
Ayon kay Western Mindanao Command (Wesmincom) Spokesperson Major Arvin Encinas, patay ang mga suspek matapos na masapul ng 105 howitzer artillery habang nagtatago sa isang bahay sa barangay Pusao, Shariff Saydona, Bayan ng Mustapha.
Narekober sa lugar ang ilang armas at pampasabog sa pinagkutahan ng mga terorista.
Target ng militar ang grupo ni Kumander Burgos at Abu Toraife ng Bangsamoro Islamic Freedom Fighters na lokal na kaalyado ng international terrorist na ISIS.
