Pinaghahanap na ng mga otoridad ang tatlong suspek kabilang na ang isang babae makaraang magpakarga ng gasolina sa isang container sa Jaro, Iloilo City.
Naganap ang insidente sa isang gasoline station noong sabado ng madaling araw kung saan, nakuhanan ng isang CCTV ang pagdating ng mga suspek sakay ng isang tricycle sa nabanggit na gasolinahan.
Ayon sa gasoline boy, 120 liters ang pinakarga ng mga suspek kung saan, ang 20 liters pa nito ay ipinakarga naman sa tricycle na kanilang sinasakyan.
Matapos magpakarga ng langis, imbis na sa tauhan ng gasoline station iabot ang bayad, mismong ang babaeng suspek na ang lumapit sa kahera para bayaran ang 20 litro ng gasolina na nagkakahalaga ng P1,500.
Pagkatapos ng transaksiyon, kaagad na tumakas ang grupo nang hindi binabayaran ang 100 litro pa ng gasolina na nagkakahalaga naman ng mahigit P6,000.
Sinubukan pang habulin ng tauhan ng gasoline station ang tatlong suspek pero mabilis na nakatakas ang mga ito.
Naireport na sa mga otoridad ang insidente at inaalam narin ang pagkakakilanlan ng mga suspek. —sa panulat ni Angelica Doctolero
